Favorite poetry/prose?

[Danked]

Excerpt from Trainspotting

The sweat wis lashing oafay Sick Boy; he wis trembling. Ah wis jist sitting thair, focusing oan the telly, tryin no tae notice the cunt. He wis bringing me doon. Ah tried tae keep ma attention oan the Jean-Claude Van Damme video.
As happens in such movies, they started oaf wi an obligatory dramatic opening. Then the next phase ay the picture involved building up the tension through introducing the dastardly villain and sticking the weak plot thegither. Any minute now though, auld Jean-Claude's ready tae git doon tae some serious swedgin.
-Rents. Ah've goat tae see Mother Superior, Sick Boy gasped, shaking his heid.
-Aw, ah sais. Ah wanted the radge tae jist fuck off ootay ma visage, tae go oan his ain, n jist leave us wi Jean-Claude. Oan the other hand, ah'd be gitting sick tae before long, and if that cunt went n scored, he'd haud oot oan us. They call um Sick Boy, no because he's eywis sick wi junk withdrawal, but because he's just one sick cunt.
-Let's fuckin go, he snapped desperately.
-Haud oan a second. Ah wanted tae see Jean-Claude smash up this arrogant fucker. If we went now, ah wouldnae got tae watch it. Ah'd be too fucked up by the time we goat back, and in any case it wid probably be a few days later. That meant ah'd git hit fir fuckin back charges fi the shoap oan a video ah hudnae even goat a deck at.
-Ah've goat tae fuckin move man! he shouts, standing up. He moves ower tae the windae and rests against it, breathing heavily, looking like a hunted animal. There's nothing in his eyes but need.
Ah switched the box oaf at the handset. -Fuckin waste. That's aw it is, a fuckin waste, ah snarled at the cunt, the fuckin irritating bastard.
He flings back his heid n raise his eyes tae the ceiling. -Ah'll gie ye the money tae git it back oot. Is that aw yir sae fuckin moosey-faced aboot? Fifty measly fuckin pence ootay Ritz!
This cunt has a wey ay makin ye feel a real petty, trivial bastard.
-That's no the fuckin point, ah sais, but with oot conviction.
-Aye. The point is ah'm really fuckin sufferin here, n ma so called mate's draggin his feet deliberately, lovin every fuckin minute ay it! His eyes seem the size ay fitba's n look hostile, yet pleadin at the same time; poignant testimonies tae ma supposed betrayal. If ah ever live long enough tae huv a bairn, ah hope it never looks at us like Sick Boy does. The cunt is irresistible oan this form.
-Ah wisnae.... ah protested.
-Fling yir fuckin jaykit oan well!
-Irvine Welsh